هناك الكثير من الأمثال الشعبيّة التي تنطبق على بعض السياسيّين، إذ تتضمّن وقائع وحالات ودلالات تكاد تلامس واقع السّاسة وأعمال السّياسة. 
ومن بعض هذه الأمثال: 
- اللي ضرب ضرب واللي هرب هرب.
- بتبزق بوجّن بقولولك عم بتشتّي.
- اللي بجرّب مجرّب بكون عقلو مخرّب.
- ذنب الكلب حطّوه بالقالب 40 سنة وضلّو أعوج.
- بالوجه مراية بالقفا صرماية.
- بيقتلوا القتيل وبيمشوا بجنازتو.
- فكّرنا الباشا باشا طلع الباشا زلمة.
- قالوا للحرامي حلوف قلّن إجا الفرج.
- إذا بدّك تخرب بلاد، ادْعي عليها بكترة الرؤسا.
- أكثر من القرد ما مسخ الله.
- الرّزق السّايب بيعلّم النّاس الحرام.
- الولد ولد ولو حكم بلد.
- إللي بياكل من خبز السلطان بيحارب بسيفو.
- بيسرق الكحل من العين.
- شي تك تك… شي تيعه.
- بروح الشبعان وبيجي الجوعان.
- على الوعد يا كمّون.
- إبن الحكومة إذا صادقته أكلك، وإذا عاديته هلكك.
- كلّ ديك عمزبلتو صيّاح.
- اللي بياكل من زوّادة غيرو ما بيشبع.
- آكل وناكر.
- على عينك يا تاجر.
- فرخ البطّ عوام.
- يللي إستحوا… ماتوا.
- متل قصّة علي بابا والأربعين حرامي.
- متل قصّة الراعي والديب والغنمات.
- متل قصّة ليلى والذئب.

سبحان الله لا يوجد مثل أو قصّة فيها من الدّجل والكذب والرّياء إلّا وتنطبق على بعض السّياسيّين وغالبيّة الفاسدين. 

فيا ربّ ارحم وأنت الأكرم...