صديق قديم عنده "محط كلام":
"بهالبلد شو ما عملت ما بتخلص"!
اللي صاير بهالإيّام بخلّي الواحد حيران ما عارف حالو على أي خازوق بدّو يركب!
بتروح تتشتري... بيسرقوك.
بتعمّر بيت... بيحسدوك.
بتروح ع البنك... بذلّوك.
بتصوم... بفطّروك.
بتفطر... بكفّروك.
بتحبّ... بقولوا عنّك زعوري.
ما بتحبّ... بيعتبروك معقّد.
وإذا كنت متديّن... هيدا سلفي.
مش متديّن... صايع وضايع.
بتتجوّز... شو صاير عليه.
ما بيتجوّز... شو بعدو ناطر.
مرتاح مع مرتو... هيدي أكيد ساحرتو.
ع طول متخانقين... ما بيستاهلها.
بتشتري سيّارة... من وين جاب المصاري؟
ما عندو سيّارة... قاطع إيدو وعم يشحد عليها.
بتطمّن ع حدا... بدّو يحطّ مناخيرو بكلّ شي.
بتقعد لحالك... ما عندو ولا صاحب.
بتصاحب... عندو مصلحة.
بتضحك... هيئتو مخشخش.
بتسكت... هيئتو وحيد ما عندو حدن.
بتلبس... شايف حالو بلبسو.
ما بتلبس... ما عندو ذوق.
فقير... معتّر مسكين من يوم يومو.
غني... مصريّاتو حرام.
بيشتغل وناجح... مشنّصة معو، حظّو ب...
ما ملاقى شغل... فاشل وعواطلة.
هيدي حال الناس ببلدنا لبنان، مطبّلي بالدنيا مزمّرة بالآخرة.
وشو ما عمل الواحد ما بخلّص.
يا عمّي... "دع الخلق للخالق"، وخلّيك بحالك صدّقني رح ترتاح. من زمان كانت النصيحة بجَمل. فهل من يعي ويتّعظ؟
القاضي م جمال الحلو
