هل تعلم بأنّ لبنانَ هو البلد الثّاني بعد سويسرا في صناعةِ السّاعات وهي صناعة عريقة جدًّا في لبنان.
وإليكم بعض أنواع السّاعات اللبنانيّة بامتياز :
السّاعةالسّودة:
هيّي السّاعة اللي بتتعرّف فيها على حدا بيخربلّك عيشتك.
ساعةالنّحس:
هيّي يلّي بتكون فيها بمكان وزمان غير مناسبين.
ساعة باطلة ومحوّلة، ساعة قرف، ساعة مسخّمة، ساعة جنان، والسّاعة اللي ولدتك أمّك فيها.
ساعةالسّاعة:
وهيّي غير ربّك ما بيعرفها.
وكمان في ساعة صفا، وساعة الحظّ، وساعة التّدقيق، وساعة التّحقيق، وساعة بتقدّم وساعة بتأخّر، وساعة لتروح وساعة لتجي، وساعة اللي بتحزّ المحزوزيّة. وساعة إلك وساعة لربّك. وساعة البسط ﻻ تفوّتا.
ولسّه السّاعة يلّي بعض النّاس بيوقعوا فيها. وفي كلّ ساعة وإلها ملائكتها.
وفي ساعة الميّ وساعة الكهربا وساعة الغاز.
إن شاء الله ما نكون نقّصنا ولا ساعة.
وأخيرًا وليس آخرًا الله يجيرنا من ساعة الغفلة!
وفي وطننا الغالي ينطبق عليه أغنية الراحلة صباح:
ساعات ساعات أحبّ عمري وأعشق الحاجات!
والله يهدينا ع "هيديك السّاعة" اللي انتخبنا فيها فلان وفليتان، وجبنا الدبّ ع كرمنا.
ويا ويلنا من ساعة التخلّي .
وانشالله ما تقوم السّاعة ونحنا على هالحالة.
يسعدلي ساعاتكن كلّها.
