رسالة من مودع لبنان مظلوم ومنزعج من دفاعكم عن رياض سلامة وزمر وعصابات الهدر والفساد والإنهيار الحاصل على كل المستويات على ايدي المتسلّطين والمستبدّين الحاقدين في السلطة السياسية والمالية والقضائية وفي جمعية المصارف بكل تأكيد!؟

تعالعوا جميعاً لنفضح الإعلام المأجور اللي عم يدافع عن رياض سلامة وزمر وعصابات "حزب المصرف" ولنعمم هذه الأسطر وباللغة العامّية اللبنانية لكي يفهم من يجب ان يفهم:

انها "صحافية إقتصادية" منذ ٣٠ سنة بجريدة النهار، سابين عويس،
مع الإعلامي ءبسام ابو زيد،
وغيرا وغيرو مع ال بي سي وال MTV بكل تأكيد مع قائد الأوركسترا المهرج مارسيل غانم واخوه جورج المهلل والمطبل لسياسات رياض واخيراً بعض المأجورين على ال NTV !
حفلات تضليل ودفاعاً عن رياض سلامة!
اِنضبي _اِنضبوا،
 إنتوا وتلفيزيوناتكن واذاعاتكن وجرايدكن المأجورة !
إنتوا مأجورين تقبضوا فرش دولار، ومفرفشين ومرحرحين ومرتاحين ومتآمرين علينا!
يا ويلكم من الله
هيك الصحافة بتكون لهدم الأوطان والتآمر على الفقراء والمقهورين والمظلومين وللدفاع عن واحد سرق البلد مع عصابات السلطة ومافيات المصارف وحيتان المال وبعض كبار التجار واصحاب الوكالات الحصرية طيلة ٣٠ سنة وبعدو لليوم هوي واخوه رجا ومساعدتو جويل الحويّك وصديقتو او زوجتو الحسناء الأوكرانية آنا كوزاكوفا وملكة جمال لبنان السابقة ستيفاني صليبا!؟
كيف إلكن عين تدافعوا عن حرامي نصاب مطلوب للتحقيق بالسرقة والنهب وتبييض الأموال واختلاس المال العام في ٦ دول اوروبية على الأقل وفي لبنان كمان؟!
كيف بتقدروا تدافعوا عنو وتناموا على مخدتكم وهو كان سبب مع السلطة الفاسدة والمصارف في تجويعنا وتركيعنا وإذلالنا وفقدانا ل اقل مقوّمات الحياة وغلاء اسعار كل السلع والأدوية والبنزين؟!
وبدل ما تهاجموا القضاة الخانعين النايمين على السرقة والفساد ومتواطئين معو ومع السلطة عم تهاجموا القضاة الشرفاء اللي بيرفعوا راس كل لبنانية ولبناني وهني فخر ورمز للقضاء الشريف والنزيه ولكن انتو الفريش دولار عامي قلوبكم وبصيرتكم ومخلاكم بلا ضمير واحساس ومنحازين للمجرمين ضد الضحية اللي هي معظم الشعب اللبناني اللي من ضمنوا اهلكم واقاربكم وكل مواطن عايش في لبنان؟!
خبرونا كيف إلكن عين بس خبرونا وكيف قادر يتشري هذا اللص اقلامكم واصواتكم واصوات كتار متلكن في هذا البلد؟!
ولك اوعوا قبل فوات الأوان لأن الدول الأوروربية اليوم صادرت مبلغ محرز مسروق من ودايعنا وبلشت الحقايق تظهر مش بعيد عنكم وعن لبنان وهونيك ما في صحافة واعلام رخيص يدافعوا عنوا؟!
اوعوا وتوبوا قبل ما يذوب كل التلج ويبيّن اديش كان سعركم وسعر كل حلقة او مقالة من اعداكم او تحريركم؟!
او ما بتعرفوا انو الصحافة هي رمز للحرية والتحرر والإستقامة وللدفاع عنهم وعن العدالة وكيف قدر يشتريكم ويحوّلكم ل مساهمين بجرايمو وتغطية تخبيصاتو وخزعبلاتو؟!
 
كان هذا كلام منقول وصار مية بالمية  مشغول ومصقلول وغير مقبول مع هيك اعلام مشترى ومنباع ومسطول؟!

د طلال حمود
ملتقى حوار وعطاء بلا حدود-جمعية ودائعنا حقّنا